ట్రెండింగ్
వైద్య విద్యార్థులకు గుడ్ న్యూస్.. ఏపీలో 16 కొత్త కాలేజీల ఏర్పాటుకు నిర్ణయం
Andhra Pradesh Telugu | Suryaa Desk | Published : Fri, Jun 05, 2020, 12:48 PM
వైద్య విద్యార్థులకు గుడ్ న్యూస్. ఏపీలో వైద్యఆరోగ్య వ్యవస్థను మరింత బలోపేతం చేసేందుకు సీఎం జగన్ కీలక నిర్ణయం తీసుకున్నారు. రాష్ట్రంలో అదనంగా మరో 16 మెడికల్ కాలేజీలను ఏర్పాటు చేయాలని నిర్ణయించారు. ఈ విషయాన్ని ఏపీ వైద్య ఆరోగ్యశాఖా మంత్రి ఆళ్ల నాని వెల్లడించారు. విజయనగరంలో ఏర్పాటు చేయనున్న ప్రభుత్వ వైద్య కళాశాల కోసం ఏపీ డిప్యూటీ సీఎం పుష్ఫ శ్రీవాణి, మంత్రి ధర్మాన కృష్ణదాస్‌తో కలసి గురువారం ఆయన స్థల పరిశీలన చేశారు. అనంతరం మీడియాతో మాట్లాడిన ఆళ్ల నాని రాష్ట్రంలో ఉన్న 11 మెడికల్ కాలేజీలతో పాటు కొత్తగా మరో 16 కళాశాలల ఏర్పాటుకు సీఎం జగన్ నిర్ణయించినట్లు తెలిపారు. ఒక్కో కాలేజీకి రూ.1000 కోట్లు చొప్పున.. మొత్తం 16వేల కోట్లను కేటాయించినట్లు మంత్రి వెల్లడించారు. మెడికల్ కాలేజీల నిర్మాణానికి ఆగస్టులో టెండర్లు పిలుస్తామని చెప్పారు.
|
|