కర్నూలులోని ఆ క్వారంటైన్ సెంటర్లో దెయ్యం..?
Andhra Pradesh Telugu | Suryaa Desk | Published : Fri, Jun 05, 2020, 12:44 PM
కరోనా మహమ్మారితో జనాలు హడలి చస్తుంటే దెయ్యాలు భయపెడుతున్నాయంటూ పుకార్లు మరింత భయాందోళనకు గురి చేస్తున్నాయి. అదిగో దెయ్యం ఇదిగో దెయ్యం అంటూ ప్రజలు హడలిపోతున్నారు. వివరాల్లోకి వెళ్తే కర్నూలు జిల్లా కోసిగిలో కోవారంటైన్ సెంటర్ ను ఏర్పాటు చేశారు. స్థానికంగా ఉన్న అనుమానితులతోపటు వలస కూలీలను సైతం ఆ క్వారంటైన్ కేంద్రంలో ఉంచారు. కొన్నిరోజులు బాగానే ఉన్న కరోనా అనుమానితులు రెండు రోజులుగా విచిత్రంగా ప్రవర్తిస్తున్నారు. క్వారంటైన్ కేంద్రంలో దెయ్యాలు, భూతాలు ఉన్నాయంటూ ప్రచారం చేస్తున్నారు. తమను దెయ్యాలు..భూతాలు ఉండే నివాసాల్లో ఉంచుతారా అంటూ అధికారులను నిలదీస్తున్నారట.అర్థరాత్రి క్వారంటైన్ సెంటర్లో పెద్ద పెద్ద అరుపులు..శబ్ధాలు వినిపిస్తున్నాయని చెప్తున్నారట. ఈ వ్యవహారం దావానంలా వ్యాపించింది. క్వారంటైన్ సెంటర్ లో ఎలాంటి దెయ్యాలు భూతాలు లేవని అధికారులు క్లారిటీ ఇచ్చారట. క్వారంటైన్ సెంటర్ లో ఉండలేని వారు కొందరు ఇలాంటి చేష్టలకు పాల్పడుతున్నారంటూ అధికారులు ఆరోపించారు. మెుత్తానికి దెయ్యాలు ఉన్నాయంటూ వలస కూలీలు చేసిన హంగామా ఇప్పుడు జిల్లా వ్యాప్తంగా హాట్ టాపిక్ గా మారింది.
|
|