బీటెక్ అర్హతతో 259 ఉద్యోగాలు
Andhra Pradesh Telugu | Suryaa Desk | Published : Thu, May 28, 2020, 09:58 AM
ఇంజనీరింగ్ డిగ్రీ ఉన్న నిరుద్యోగులకు శుభవార్త. ప్రభుత్వ రంగ సంస్థ అయిన ఎన్ఎల్‌సీ ఇండియా లిమిటెడ్-ఎన్ఎల్సీఐఎల్ 259 గ్రాడ్యుయేట్ ఎగ్జిక్యూటీవ్ ట్రైనీ ఉద్యోగాల భర్తీకి నోటిఫికేషన్ విడుదల చేసిన సంగతి తెలిసిందే. ఈ పోస్టులకు మే 17న దరఖాస్తు గడువు ముగిసింది. కరోనా వైరస్ సంక్షోభం కారణంగా ఆన్‌లైన్ అప్లికేషన్ గడువును మరోసారి పొడిగించింది. ఆసక్తి గల అభ్యర్థులు 2020 మే 30లోగా దరఖాస్తు చేయొచ్చు. దేశంలోని వేర్వేరు ప్రాంతాల్లో నిర్వహిస్తున్న ప్రాజెక్టుల్లో 259 గ్రాడ్యుయేట్ ఎగ్జిక్యూటీవ్ ట్రైనీ పోస్టుల్ని భర్తీ చేస్తోంది.
మొత్తం 259 ఖాళీలు ఉండగా అందులో మెకానికల్- 125, ఎలక్ట్రికల్ (ఈఈఈ)- 65, ఎలక్ట్రికల్ (ఈసీఈ)- 10, సివిల్- 5, కంట్రోల్ అండ్ ఇన్‌స్ట్రుమెంటేషన్- 15, కంప్యూటర్- 5, మైనింగ్- 5, జియాలజీ- 5, ఫైనాన్స్- 14, హ్యూమన్ రీసోర్స్- 10 పోస్టులున్నాయి. విద్యార్హత వివరాలు చూస్తే సంబంధిత బ్రాంచ్‌లో ఫుల్‌టైమ్ లేదా పార్ట్ టైమ్ బ్యాచిలర్ డిగ్రీ 60% మార్కులతో పాస్ కావాలి. ఎస్సీ, ఎస్టీ అభ్యర్థులు 50% మార్కులతో పాసైతే చాలు. ఆన్‌లైన్ ఎగ్జామ్, పర్సనల్ ఇంటర్వ్యూ ద్వారా అభ్యర్థులను ఎంపిక చేస్తారు. ఈ నోటిఫికేషన్‌కు సంబంధించిన పూర్తి వివరాల కోసం ఎన్ఎల్‌సీ ఇండియా లిమిటెడ్ అధికారిక వెబ్‌సైట్ www.nlcindia.com/ చూడొచ్చు.
|
|