ట్రెండింగ్
కర్నూలు జిల్లా శుభకార్యంలో వివాదం.. రాళ్లు, కుర్చీలతో దాడి
Andhra Pradesh Telugu | Suryaa Desk | Published : Tue, May 26, 2020, 03:04 PM
కర్నూలు జిల్లా ఆళ్లగడ్డ నియోజకవర్గ పరిధిలోని ఆళ్లగడ్డ మండలం నల్లగట్ల గ్రామంలో సోమవారం ఒక శుభకార్యంలో చెలరేగిన వివాదం ఘర్షణకు దారితీసింది. ఈ ఘర్షణలో ఒకరిపై ఒకరు దాడి చేసుకున్నారు. సొంత దాయాదుల మధ్య జరిగిన ఘర్షణలో రాళ్లు, కూర్చీలతో దాడికి పాల్పడ్డారు.వివరాల్లోకి వెళితే మండలం పరిధిలోని నల్లగట్ల గ్రామంలో ఒక కుటుంబంలో పుట్టు వెంట్రుకల కార్యక్రమంలో దాయాదుల మధ్య చెలరేగిన చిన్నపాటి వివాదం మాట మాట పెరిగి దాడికి పాల్పడ్డారు.ఒకరిపై ఒకరు చేతికి దొరికిన వస్తువులతో కొట్టుకున్నారు. ఈ ఘర్షణలో గాయపడిన ఏడుగురుని స్థానిక ఆళ్లగడ్డ ప్రభుత్వ ఆస్పత్రికి తరలించగా అక్కడ చికిత్స పొందుతున్నారు.
|
|