షూటింగ్‌లకు ఏపీ సర్కార్ గ్రీన్ సిగ్నల్...!
Andhra Pradesh Telugu | Suryaa Desk | Published : Wed, May 20, 2020, 12:18 PM
లాక్ డౌన్ వల్ల సినిమాలు, సీరియళ్ల షూటింగ్లు ఆగిపోయాయి. దీంతో మహిళలు సీరియళ్లు చూడలేక, సినిమా ప్రేమికులు సినిమా థియేటర్లకు వెళ్లి సినిమాలు చూడలేక కొంతమేర బాధపడ్డారు. అయితే నాలుగో సారి లాక్ డౌన్ మార్గదర్శకాల్లో భాగంగా ఏపీ సర్కార్ సడలింపులు చేసింది. మూవీ, సీరియల్ ప్రేమికులకు గుడ్ న్యూస్ చెప్పింది. తిరిగి షూటింగ్‌లను ప్రారంభించుకోవడానికి కొన్ని నిబంధనలతో కూడా పర్మిషన్ ఇచ్చింది. ఫిలిం, టీవీ, థియేటర్ డెవలప్‌మెంట్ కార్పొరేషన్ల విజ్ఞప్తి మేరకు ఏపీ ప్రభుత్వం ఉత్తర్వులు జారీ చేసింది. పెండింగ్‌లో ఉన్న ప్రోత్సాహకాలు రూ.904.89 కోట్లు ఏపీ సర్కార్ విడుదల చేసింది. సింగిల్ విండో పద్దతిలో షూటింగ్‌లకు అనుమతి ఇచ్చింది. రాష్ట్రంలో నిర్ధేశించిన ప్రాంతాల్లో షూటింగ్‌కి అనుమతులు ఇస్తూ ప్రభుత్వం ఉత్తర్వులు జారీ చేసింది. అయితే షూటింగ్‌లకు ఏపీ సర్కార్ గ్రీన్ సిగ్నల్ ఇవ్వడం వల్ల సినిమాల కంటే సీరియల్స్‌కి ఎక్కువ మేలు జరిగే అవకాశం ఉంది. సినిమా షూటింగ్లు తిరిగి ప్రారంభమైనా థియేటర్స్‌లో సినిమాలు విడుదలయ్యే పరిస్థితులు లేదు. సీరియల్స్ టీవీలలోనే కాబట్టి లాక్ డౌన్ సడలింపుల వల్ల ప్రయోజనం చేకూరే అవకాశం ఉంది. దీంతో కార్తీకదీపం, జబర్దస్త్ లాంటి టాప్ రేటింగ్ షోలు త్వరలో షూటింగ్ ప్రారంభమై ప్రసారం కానున్నాయి.
|
|