ఎయిర్‌టెల్ వినియోగదారులకు శుభవార్త!

ఎయిర్ టెల్ ఇప్పుడు రూ.98 డేటా యాడ్ ఆన్ ప్యాక్ పై డబుల్ డేటా లాభాలను అందించనుంది. గతంలో ఈ ప్లాన్ ద్వారా 6 జీబీ డేటా అందించేవారు. ఇప్పుడు 12 జీబీ డేటా లభించనుంది. అయితే ఈ ప్లాన్ వ్యాలిడిటీ మాత్రం 28 రోజులుగానే ఉంది. అయితే ఇది డేటా ప్యాక్ కాబట్టి కాలింగ్, ఎస్ఎంఎస్ లాభాలు లభించవు. అయితే జియో, వొడాఫోన్ వంటి టెలికాం ఆపరేటర్లు కూడా అటువంటి డేటా ప్యాక్ లనే అందిస్తున్నాయి. రిలయన్స్ జియో రూ.101 యాడ్-ఆన్ ప్యాక్ ద్వారా 12 జీబీ హైస్పీడ్ డేటా, ఇతర నెట్ వర్క్ లకు కాల్స్ చేసుకోవడానికి 1000 నిమిషాలు లభిస్తాయి. జియో రూ.101 డేటా వోచర్ వ్యాలిడిటీ మీ ప్రస్తుత ప్లాన్ వ్యాలిడిటీగానే ఉంటుంది. వొడాఫోన్ కూడా రూ.98 యాడ్ ఆన్ ప్లాన్ ద్వారా 6 జీబీ డేటాను అందిస్తుంది. దీని వ్యాలిడిటీ 28 రోజులుగా ఉంది. దీంతోపాటు ఎయిర్ టెల్ రూ.500, రూ.1,000, రూ.5,000 రీచార్జ్ ప్లాన్లపై అదనపు టాక్ టైం కూడా లభిస్తుంది.గతంలో రూ.500తో రీచార్జ్ చేసుకుంటే రూ.423.73 టాక్ టైం లభించేది. ఇప్పుడు రూ.480 లభిస్తోంది. అలాగే రూ.1,000తో రీచార్జ్ చేసుకుంటే రూ.847.46 టాక్ టైం లభించేది. ఇప్పుడు రూ.960 టాక్ టైం లభిస్తోంది. రూ.5000 వోచర్ తో రీచార్జ్ చేసుకుంటే రూ.4,237 బదులు రూ.4,800 టాక్ టైం లభిస్తుంది. ఎయిర్ టెల్ రూ.99, రూ.129, రూ.199 ప్లాన్లను కూడా ప్రవేశపెట్టింది. వీటి ద్వారా అన్ లిమిటెడ్ కాలింగ్ ను అందించనున్నారు. అంతేకాకుండా జీ5 సబ్ స్క్రిప్షన్, వింక్ మ్యూజిక్, ఎయిర్ టెల్ ఎక్స్ ట్రీమ్ లకు యాక్సెస్ కూడా లభిస్తుంది. వీటిలో ఎయిర్ టెల్ రూ.99 ప్లాన్ వ్యాలిడిటీ 18 రోజులు కాగా, దీని ద్వారా 1 జీబీ డేటా, అన్ లిమిటెడ్ కాలింగ్, 100 ఎస్ఎంఎస్ లభించనున్నాయి. రూ.129 ప్లాన్ ద్వారా 1 జీబీ డేటా, 300 ఎస్ఎంఎస్, అన్ లిమిటెడ్ కాలింగ్ లభించనున్నాయి. ప్లాన్ వ్యాలిడిటీ 24 రోజులుగా ఉంది. ఇక రూ.199 ప్లాన్ ద్వారా రోజుకు 1 జీబీ డేటా, అన్ లిమిటెడ్ కాలింగ్, ప్రతిరోజూ 100 ఎస్ఎంఎస్ లు అందించనున్నారు. ఎయిర్ టెల్ గతంలోనే జీ5తో భాగస్వామ్యాన్ని ఏర్పరచుకుంది. దీని ద్వారా జీ5 ప్రీమియంలో ఉన్న కంటెంట్ మొత్తాన్ని ఉచితంగా యాక్సెస్ చేయవచ్చు. అయితే ఈ ఆఫర్ కేవలం జూలై 12వ తేదీ వరకు మాత్రమే అందుబాటులో ఉండనుంది.