లాక్ డౌన్ 4లో ఇలా ఉండే ఛాన్స్!

మే 17వ తేదితో లాక్ డౌన్ 3 ముగుస్తుంది. మే 18 నుంచి లాక్ డౌన్ 4 ప్రారంభం అవుతుంది. లాక్ డౌన్ 3లో భారీ సడలింపులు ఇవ్వడం జరిగింది. లాక్ డౌన్ 4లో ఎటువంటి నిబంధనలు ఉండబోతున్నాయోనని అంతా ఉత్కంఠగా ఎదురు చూస్తున్నారు. ప్రస్తుతం భారీ సడలింపులు ఇచ్చిన కేంద్రం లాక్ డౌన్ 4లో మరిన్ని సడలింపులు ఇచ్చే అవకాశం ఉందని తెలుస్తోంది. లాక్ డౌన్ 4 నిబంధనలు నేడో రేపో విడుదల కానున్నాయి. లాక్ డౌన్ 4 సరికొత్తగా ఉంటుందని ప్రధాని నరేంద్ర మోడీ అన్న విషయం తెలిసిందే. దాదాపు అన్ని జోన్లలో కూడా ప్రజలు ఆంక్షలతో పని లేకుండా యదా విధిగా తమ పని తాము చేసుకుంటున్నారు. ప్రజా రవాణా ప్రారంభం కానందున అధిక మంది ఇంటికే పరిమితమవుతున్నారు. ప్రజా రవాణా ప్రారంభమైతే జనాలు యదావిధిగా తమ పనులు చేసుకునే అవకాశం ఉంది.

లాక్ డౌన్ 4 లో ఆంక్షలు,సడలింపులు ఇలా ఉండే అవకాశం ఉంది.

కంటైన్మెంట్ జోన్లలో మాత్రం యదావిధిగానే కఠిన నిబంధనలు అమలయ్యే అవకాశం.

అన్ని జోన్లలో చెక్ పోస్టుల ఎంట్రీ,ఎగ్జిట్ పాయింట్ల కొనసాగింపు. చెక్‌పోస్టు నుంచి బయటకు, లోపలికి వచ్చే వ్యక్తుల పేర్లను నమోదు చేస్తారు.

కంటైన్మెంట్ జోన్లు మినహా అన్ని జోన్లలో వ్యవసాయ రంగం, అన్ని రకాల పరిశ్రమలకు అనుమతి.

ఆరెంజ్,గ్రీన్ జోన్లలో హోటళ్లకు అనుమతించే ఛాన్స్.

రెడ్ జోన్లలో కూడా నిర్మాణ రంగ పనులకు,పలు షాపులకు అనుమతించే అవకాశం.

రెడ్,ఆరెంజ్,గ్రీన్ జోన్లలో అన్ని రకాల షాపులకు అనుమతించే ఛాన్స్.

రెడ్,ఆరెంజ్,గ్రీన్ జోన్లలో కారులో ముగ్గురికి, బైక్ పై ఒకరికి అనుమతించే అవకాశం. కారు ప్రయాణంలో ఖచ్చితంగా భౌతిక దూరం పాటించాలి.

అన్ని జోన్లలో మాస్కు ధరించడం తప్పనిసరి.

అన్ని జోన్లలో స్కూళ్లు,కాలేజీలు,మాల్స్,థియేటర్లు మూసి ఉండే అవకాశం.

ప్రస్తుతం రెడ్ జోన్లు మినహా అన్ని జోన్లలో సెలున్లు,బార్బర్ షాపులు,స్పాస్ ఓపెన్ చేశారు. ఇక నుంచి ఇవి రెడ్ జోన్లలో కూడా అనుమతించే అవకాశం.

దేశీయంగా విమానాలు తిరిగేందుకు అనుమతించే అవకాశం. విదేశాలకు సంబంధించిన విమానాలకు అనుమతి నిరాకరణ చేసే ఛాన్స్.

బస్సులు నడుపుకునే అంశాన్ని రాష్ట్ర ప్రభుత్వాలకు వదిలేసే అవకాశం.

శ్రామిక్,ప్రత్యేక రైళ్లు యదావిధిగానే కొనసాగనున్నాయి. పరిమితంగా రైళ్లకు అనుమతించే అవకాశం.

అన్ని జోన్లలో జిమ్స్, స్పోర్ట్స్ కాంప్లెక్స్, స్విమ్మింగ్ పూల్స్, ఎంటైర్‌టైన్ మెంట్ పార్కులు, బార్లు, ఆడిటోరియంలు, అసెంబ్లీ హాల్స్, బహిరంగ సభలు, సామూహిక మత ప్రార్థనలు, ప్రార్థనాలయాలన్ని బంద్ ఉండే అవకాశం.

ఇక పై జోన్ల గుర్తింపు బాధ్యతను రాష్ట్రాలకు అప్పగించే అవకాశం.

ప్రవేశ పరీక్షల నిర్వహణకు అనుమతించే అవకాశం. భౌతిక దూరం పాటిస్తూ అన్ని జోన్లలో కూడా పరీక్షలు నిర్వహించే ఛాన్స్.

ఆరెంజ్,గ్రీన్ జోన్లలో కార్యక్రమాలకు భారీ సడలింపులు ఇచ్చే అవకాశం.

పెళ్లిలకు 50 మంది, చనిపోతే 20 మందికి అనుమతి యదావిధిగానే కొనసాగే ఛాన్స్.

ఆరెంజ్,గ్రీన్ జోన్లలో ఆటోలకు,ట్యాక్స్ లకు అనుమతించే అవకాశం. రెడ్ జోన్లలో పలు నిబంధనలతో ఆటోలకు,ట్యాక్సులకు అనుమతించే ఛాన్స్.