జన్ ధన్ ఖాతాలో నగదు చెక్ ఇలా

కరోనా ప్రభావంతో జన్ ధన్ అకౌంట్లు ఉన్న 20.4 కోట్ల మహిళలకు నెలకు రూ.500 చొప్పున మూడు నెలల పాటు ఇస్తామని కేంద్రం ప్రకటించిన సంగతి తెలిసిందే. ఏప్రిల్, మే విడత డబ్బులు జమ అయ్యాయి. ఏప్రిల్ విడత నగదు ఇప్పటికే అంతా తీసుకున్నారు. తాజాగా మే విడత డబ్బులు కూడా తీసుకుంటున్నారు. ఖాతాలలో జమ అయిన నగదు ఎప్పుడైనా డ్రా చేసుకోవచ్చు. ఒక్క సారి జమ అయిన నగదు తిరిగి వెనక్కు వెళ్లదు. మహిళలు ఆందోళన చెందాల్సిన అవసరం లేదని అధికారులు తెలిపారు.

మీ ఖాతాలలో నగదు జమ అయ్యిందో లేదో ఇలా చెక్ చేసుకోవచ్చు.
స్టేట్ బ్యాంక్ ఆఫ్ ఇండియాలో మీకు జన్ ధన్ అకౌంట్ ఉంటే 18004253800 లేదా 1800112211 నెంబర్లకు మీ రిజిస్టర్డ్ మొబైల్ నెంబర్ నుంచి కాల్ చేసి బ్యాలెన్స్ తెలుసుకోవచ్చు. మీకు చివరి 5 ట్రాన్సాక్షన్లు, మీ అకౌంట్ బ్యాలెన్స్ వివరాలు తెలుస్తాయి. 9223766666 నెంబర్‌కు కాల్ చేసి కూడా బ్యాలెన్స్ తెలుసుకోవచ్చు.

ఓరియంటల్ బ్యాంక్ ఆఫ్ కామర్స్‌లో మీకు జన్ ధన్ అకౌంట్ ఉంటే 8067205767 నెంబర్‌కు మిస్డ్ కాల్ ఇచ్చి బ్యాలెన్స్ తెలుసుకోవాలి.
మీకు పంజాబ్ నేషనల్ బ్యాంక్‌లో జన్ ధన్ అకౌంట్ ఉంటే 18001802223 లేదా 01202303090 నెంబర్లకు మిస్డ్ కాల్ ఇవ్వాలి. మీకు బ్యాలెన్స్ వివరాలు ఎస్ఎంఎస్ రూపంలో వస్తాయి. లేదా BAL అని టైప్ చేసి స్పేస్ ఇచ్చి మీ 16 అంకెల అకౌంట్ నెంబర్ టైప్ చేసి5607040 నెంబర్‌కు ఎస్ఎంఎస్ పంపితే మీ బ్యాలెన్స్ వివరాలు తెలుస్తాయి.
బ్యాంక్ ఆఫ్ ఇండియాలో మీకు జన్ ధన్ అకౌంట్ ఉంటే 09015135135 నెంబర్‌కు మిస్డ్ కాల్ ఇచ్చి బ్యాలెన్స్ వివరాలు తెలుసుకోవచ్చు.
ఇండియన్ బ్యాంక్‌లో జన్ ధన్ ఖాతా ఉంటే మీ రిజిస్టర్డ్ మొబైల్ నెంబర్ నుంచి 180042500000 లేదా 9289592895 నెంబర్‌కు కాల్ చేసి బ్యాలెన్స్ వివరాలు తెలుసుకోవచ్చు.