విశాఖలో 9కి చేరిన మృతులు..వివరాలివే
Andhra Pradesh Telugu | Suryaa Desk | Published : Thu, May 07, 2020, 05:43 PM
విశాఖలోని ఎల్జీ పాలిమర్స్ కంపెనీలో గ్యాస్ లీకైన ఘటనలో మృతుల సంఖ్య 9కి చేరింది. వీరిలో 8 మంది మృతుల వివరాలను అధికారులు విడుదల చేశారు. మరొకరి వివరాలు తెలియాల్సి ఉంది.
అప్పల నర్సమ్మ, 45 సంవత్సరాలు.
కుందన శ్రేయ, 6 సంవత్సరాలు.
ఎ.చంద్రమౌలి, 19 సంవత్సరాలు.
సీహెచ్.నాగరాజు, 48 సంవత్సరాలు,వెంకటాపురం.
ఆర్.నారాయణమ్మ,35 సంవత్సరాలు.
ఎన్.గ్రీష్మ,9 సంవత్సరాలు,వెంకటాపురం.
మేక కృష్ణమూర్తి,73 సంవత్సరాలు,వెంకటాపురం.
గుర్తు తెలియని వ్యక్తి,30 సంవత్సరాలు. మరొకరి వివరాలు తెలియాల్సి ఉంది.
ఏపీ సీఎం జగన్ విశాఖ ప్రమాదంలో గాయపడ్డ వారిని పరామర్శించారు. అనంతరం అధికారులతో సమీక్షించి మీడియా సమావేశం పెట్టారు. ఈ ఘటన పై విచారణ కమిటిని ఏర్పాటు చేశామన్నారు. నివేదిక ఆధారంగా కంపెనీ పై చర్యలు తీసుకుంటామన్నారు. అదే విధంగా మరణించిన వారికి,గాయపడ్డవారికి ఆయన ఎక్స్ గ్రేషియా ప్రకటించారు.
మరణించిన వారికి సంబంధించి ఒక్కో కుటుంబానికి రూ.1 కోటి ఎక్స్ గ్రేషియా.
వెంటిలేటర్ మీద ఉన్న వారికి రూ.10 లక్షల ఆర్దికసాయం ప్రకటన.
చికిత్స పొందుతున్న వారికి రూ.1లక్ష సాయం.
స్వల్ప అస్వస్థత పొందిన వారికి రూ.25 వేల సాయం.
అదే విధంగా మరణించిన పశువులకు సంబంధించి ఒక్కో పశువుకు సంబంధించి యజమానికి రూ.25 వేల నష్టపరిహారం.
అదే విధంగా బాధిత గ్రామాల్లో ఉన్న 15 వేల మందికి ఒక్కొక్కరికి రూ.10 వేలు చెల్లింపు.
ఎల్జీ కంపెనీలో బాధిత కుటుంబాలకు ఉద్యోగం. అదే విధంగా కంపెనీ నుంచి కూడా ప్రత్యేకంగా సాయం అందేలా చూస్తామని సీఎం జగన్ తెలిపారు.
|
|