దోమలు కుట్టకుండా ఇలా చేస్తే డేంజర్

దోమలు కుట్టకుండా చాలా మంది లిక్విడ్స్, రిప్లికెంట్స్‌ని వాడతారు. దోమలు కుడితే జ్వరం, ఇతర సమస్యలు వచ్చే అవకాశాలు ఉంటాయి. అటువంటి సమస్యలు రాకుండా ఉండేందుకు చాలా మంది క్రీమ్స్ రాసుకుంటూ ఉంటారు. వారి పిల్లలకు కూడా క్రీమ్స్, లిక్విడ్స్ రాస్తూ ఉంటారు. ఇందుకోసం మార్కెట్లో అనేక రకాల రిప్లికెంట్స్ దొరుకుతున్నాయి. వీటిని వాడడం వల్ల సమస్య తగ్గుతుంది. కానీ, ఇది ఆరోగ్యంపై తీవ్రప్రభావం చూపుతుందని నిపుణులు చెబుతున్నారు. శ్వాసకోశ సమస్యలు ఉన్నప్పుడు దోమల నివారణకు ఉపయోగించే రిప్లికెంట్స్ కారణంగా ఆ సమస్యలు మరింత తీవ్రంగా మారతాయి. దీని వల్ల అనేక ఆరోగ్య సమస్యలు చుట్టుముడతాయని చెబుతున్నారు. ఒక్క రిప్లికెంట్ 137 సిగరెట్స్‌తో సమానం. ఇందులో ప్రమాదకరమైన కార్బన్ మోనాక్సైడ్ ఉంటుంది. ఇది ఎన్నో సమస్యలను తీసుకొస్తుంది.సాధారణంగా మనం వాడే లోషన్స్‌ చర్మ సమస్యలను తీసుకొస్తాయని నిపుణులు హెచ్చరిస్తున్నారు. పిల్లల చర్మం చాలా మృదువుగా ఉంటుంది. అందుకే వీటిని వాడేటప్పుడు ముందుగా డాక్టర్ల సలహా తీసుకోవడం చాలా ముఖ్యం. పిల్లలకు లోషన్స్ రాయడం వల్ల దానిని చేతులతో రుద్ది అవే చేతులను మళ్లీ నోటిలో పెట్టుకుంటారు. ఇలా చేయడం వల్ల ప్రమాదాలు జరిగే అవకాశం ఉంది. పిల్లలు గదిలో లేనప్పుడు దోమలను కాయిల్స్ వాడండి. ముఖ్యంగా వాటిని గది తలుపుల దగ్గర పెట్టండి. దీని వల్ల లోపలికి రాకుండా పొగ అడ్డుకుంటుంది. స్ప్రేలు చేయడం చాలా మంచిది. దోమలు కుట్టకుండా నెట్ కూడా వాడొచ్చు. దీనివల్ల ఎలాంటి ఇబ్బందులు ఉండవు. నిమ్మ, యూకలిప్టస్ ఆయిల్స్ పిల్లల చర్మానికి అంత మంచివి కావు. అందుకే మూడు సంవత్సరాలలోపు పిల్లలకు వీటిని వాడకపోవడమే మంచిది.