దొంగ బాబా మాటలకు కూతుర్ని బలిచ్చిన తండ్రి...

ఉత్తరప్రదేశ్‌ లోని ముజఫర్‌నగర్‌ అడవి ప్రాంతంలో ఓ ఘోరం చోటుచేసుకుంది. ఓ రోజు ఉదయాన్నే అక్కడే ప్రదేశంలో పెద్ద సంఖ్యలో గద్దలు అటూ ఇటూ తిరుగుతూ ఎగురుతున్నాయి. అక్కడ ఎప్పుడూ అలాంటి దృశ్యాన్ని స్థానికులు చూడలేదు. దీంతో ఆ ఊళ్లో ఓ ముసలాయన గద్దలవైపు గంభీరంగా చూస్తూ "జరిగింది.. అదే జరిగింది" అన్నాడు. పక్కనున్న స్థానికులు "ఏందయ్యో ముసలోడా ఏదో అంటున్నావ్" అనగానే మళ్లీ ముసలాయన ఆకాశం వైపు చూస్తూ లేని శక్తి తెచ్చుకుంటూ "శవం తేలింది" అన్నాడు. పక్కనున్న వాళ్లు ఆశ్చర్యంగా చూశారు. ఏం ప్రశ్నించాలో అర్థం కాలేదు. ముసలాయన వాళ్లవైపు చూసి "ఏదైనా జంతువు చచ్చేడిస్తే... అప్పుడు గద్దలు ఇట్టాగే ఎగురుతాయి" అన్నాడు. ఆ ఊరోళ్లకు అసలో కరోనా లాక్‌డౌన్ వల్ల ఇంట్లోనే ఉంటే ఏమీ తోచట్లేదు. అందుకని అక్కడ ఏ జంతువు చచ్చిందో చూద్దామని బయల్దేరారు. గద్దల్ని చూసిన ప్రజలకు దగ్గరకు వెళ్లాక అక్కడ ఏదో తేడాగా కనిపించింది. ఎవరో మట్టిని తవ్వి మళ్లీ పూడ్చినట్లు అనిపించింది. కొద్దిగా తవ్వేసరికి వేళ్లు, కాల్లు కనిపించాయి. వెంటనే తవ్వడం ఆపేసి పోలీసులకు సమాచారం అందజేశారు. పోలీసులు రావడం, వాళ్ల సమక్షంలో తవ్వడం అన్నీ జరిగాయి. చిన్న పాప. రెండున్నరేళ్ల వయసుంటుంది. ఆ రోజే చనిపోయినట్లుగా ఉంది. ఆ పాపను చూడగానే స్థానికుల్లో ఓ కుర్రాడు పోలీసులతో హడావుడిగా ఏదో చెప్పాడు. పోలీసులు ఓ ముసలాయన ఇంటికి వెళ్లి తమ స్టైల్ లో ఆరా తీస్తే అసలు విషయం బయటపడింది. ఏళ్లుగా పేదరికంలో ఉన్న తన తలరాత మారాలంటే, అద్భుత శక్తులు రావాలంటే పాపను అమావాస్య నాడు అదృశ్య శక్తులకు బలి ఇవ్వాలని స్థానికంగా ఓ బాబా చెప్పినట్లు వివరించాడు. అడవి ప్రశాంతంగా నిద్రపోతున్న సమయంలో బాబా చెప్పినట్లుగా ముందుగా పాప గొంతు పిసికేశాడు. కన్న తండ్రే తనను అలా చంపుతుంటే ఆ చిట్టి హృదయానికి ఏడవడం తప్ప ఇంకోటి తెలియలేదు. కాసేపు పీక పిసికిన తండ్రి టెన్షన్ వచ్చి... బాబా నా వల్ల కావట్లేదు అన్నాడు. "నేను ముందే ఊహించా.... అద్భుత శక్తులు అంత ఈజీగా రావు. బలి ఇవ్వాల్సిందే" అంటూ తన బొడ్డు లోంచీ ఓ కత్తిని తీసి అతనికి ఇచ్చాడు. "ఒకే ఒక్క వేటుతో చంపేయ్" అన్నాడు. కఠిన హృదయంతో ఆ తండ్రి గారాలప్టటి గొంతును కసక్కున కోశాడు. ఆ చిన్నారి గిలగిలా కొట్టుకుంటూ తండ్రి చేతిలోనే ప్రాణాలు విడిచింది. నిందితుడి మాటలకు ఆశ్చర్యపోయిన పోలీసులు వెంటనే అతడిని అరెస్ట్ చేసి పోలీస్ స్టేషన్ కు తరలించారు. దొంగ బాబాను కూడా అదుపులోకి తీసుకున్నారు.