స్వల్పంగా తగ్గిన బంగారం... భారీగా తగ్గిన వెండి...

బంగారం వెలవెలబోతోంది. ఈరోజు స్వల్పంగా క్షీణించింది. అంతర్జాతీయ మార్కెట్లో బంగారం ధర పెరిగినా కూడా మన మార్కెట్‌లో పసిడి ధర తగ్గడం గమనార్హం. మరోవైపు బంగారం ధర స్వల్పంగా తగ్గితే వెండి ధర మాత్రం భారీగా పడిపోయింది. హైదరాబాద్ మార్కెట్‌లో బుధవారం బంగారం ధర తగ్గింది. 10 గ్రాముల 24 క్యారెట్ల బంగారం ధర రూ.20 తగ్గుదలతో రూ.44,100కు క్షీణించింది. అదేసమయంలో 22 క్యారెట్ల బంగారం ధర కూడా రూ.30 తగ్గుదలతో 10 గ్రాములకు రూ.40,400కు దిగొచ్చింది. పసిడి ధర తగ్గితే.. వెండి ధర భారీగానే పడిపోయింది. కేజీ వెండి ధర ఏకంగా రూ.1050 దిగొచ్చింది. దీంతో వెండి ధర రూ.41,650కు తగ్గింది. పరిశ్రమ యూనిట్లు, నాణేపు తయారీదారుల నుంచి డిమాండ్ పడిపోవడం ఇందుకు ప్రధాన కారణంగా చెప్పుకోవచ్చు. ఇక అంతర్జాతీయ మార్కెట్‌లో మాత్రం బంగారం ధర పెరిగింది. పసిడి ధర ఔన్స్‌కు 1.06 శాతం పైకి కదిలింది. దీంతో ఔన్స్‌కు 1705.60 డాలర్లకు చేరింది. బంగారం ధర పెరిగితే.. వెండి ధర కూడా ఇదే దారిలో నడిచింది. వెండి ధర ఔన్స్‌కు 0.67 శాతం పెరుగుదలతో 14.97 డాలర్లకు చేరింది. దేశ రాజధాని ఢిల్లీ మార్కెట్‌లో కూడా పసిడి ధర తగ్గింది. 22 క్యారెట్ల 10 గ్రాముల బంగారం ధర రూ.50 తగ్గుదలతో రూ.41,850కు క్షీణించింది. అదేసమయంలో 24 క్యారెట్ల 10 గ్రాముల బంగారం ధర కూడా రూ.20 తగ్గుదలతో రూ.44,450కు తగ్గింది. ఇక కేజీ వెండి ధర ఏకంగా రూ.1050 పడిపోయింది. దీంతో ధర రూ.41,650కు దిగొచ్చింది. ఇకపోతే బంగారం ధరపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి పలు అంశాలు పసిడి ధరపై ప్రభావం చూపుతాయి.