షుగర్ పేషెంట్లు మామిడిపండ్లు తినొచ్చా..

వేసవిలో ఎక్కువ మంది తినేవి మామిడి పండ్లే. ఈ మామిడి పండ్లు తినడం వల్ల అనేక ఆరోగ్య ప్రయోజనాలు కూడా కలుగుతాయి. మామిడి పండ్లు ఆరోగ్యకరమైన జీర్ణక్రియకు తోడ్పడుతుంది. మామిడిలో సహజంగా జీర్ణక్రియకు సహాయపడే డైజెస్టివ్ ఎంజైమ్స్ ఉంటాయి. మామిడి పండు గుండె జబ్బులు, టైప్ 2 డయాబెటిస్ ప్రమాదాన్ని తగ్గించడానికి డైటరీ ఫైబర్ గా సాయపడుతుంది. పండిన మామిడి కంటే ఆకుపచ్చ మామిడిలో పెక్టిన్ ఫైబర్ ఎక్కువగా లభిస్తుంది. జీర్ణ సంబంధ సమస్యలతో బాధపడే వ్యక్తులు మామిడి పండ్లను తింటే ఉపశమనం లభిస్తుంది. మామిడి పండులో లభించే శక్తివంతమైన యాంటీఆక్సిడెంట్ రోగనిరోధక శక్తిని పెంచడానికి సాయపడుతుంది. జలుబు / ఫ్లూ వంటి వాటిని నివారిస్తుంది. మామిడిలో ఉన్న ఈ పోషకాలు శరీర వ్యాధి నిరోధక వ్యవస్థను మెరుగుపరచటానికి సాయపడుతుంది. మామిడి పండు కంటి ఆరోగ్యానికి చాలా మంచిది. మామిడి పండ్లలో బీటా కెరోటిన్ పుష్కలంగా ఉంటుంది, ఇది విటమిన్ ఎ ఉత్పత్తికి సాయపడుతుంది. శక్తివంతమైన యాంటీఆక్సిడెంట్ కంటి దృష్టిని మెరుగుపరుస్తుంది. ఈ పండులోని విటమిన్ ఏ, కెరోటిన్ దృష్టి నష్టాన్ని నివారిస్తుంది. వయసుకు సంభందించిన కంటి వ్యాదులైన మాక్యులర్ క్షీణత, దృష్టి కోల్పోవడాన్ని, కంటి శుక్లాం వంటి వ్యాధుల ప్రమాదాన్ని తగ్గిస్తుంది. మామిడి పండు తినడం వల్ల చర్మ మృత రంధ్రాలు ఎక్స్‌ఫోలియేట్ చేయడానికి, తొలగించడానికి కూడా సాయపడుతుంది. మధుమేహ వ్యాధిగ్రస్థులు మామిడి పండు తినకూడదనీ, తింటే ప్రమాదమన్న అపోహలు చాలానే ఉన్నాయి. నిజమే ఈ పండు తియ్యగా ఉండొచ్చు. అయితే దీన్ని మితంగా తీసుకోవచ్చు. అంతేకానీ తినకూడదని ఏమి లేదు. ఈ పండులోని గుణాలు టైప్-2 డయాబెటీస్ ను తగ్గించడానికి దోహదం చేస్తాయని అనేక పరిశోధనలు చెపుతున్నాయి. మామిడి మితంగా తింటే బరువు తగ్గడానికి కూడా సహాయపడుతుంది. మామిడి పండు తొక్కలో ఉన్న ఫైటోకెమికల్స్ సహజ కొవ్వు బస్టర్లుగా పనిచేస్తాయి. మామిడి గుజ్జు ఫైబర్లతో నిండి ఉంటుంది. అధిక-ఫైబర్ పండ్లు లేదా కూరగాయలను తినడం ద్వారా మీరు ఎక్కువసేపు కడుపు నిండుగా ఉన్నట్టు భావిస్తారు, ఇది ఇతర అధిక కొవ్వు స్నాక్స్‌లో చిక్కుకోకుండా నిరోధిస్తుంది.