గుంటూరు వెళ్లి కరోనా తో తిరిగొచ్చాడు తెలంగాణ బాలుడు
Andhra Pradesh Telugu | Suryaa Desk | Published : Thu, Apr 16, 2020, 01:50 PM
కరోనా కారణంగా ప్రజలు ఆకలితో అల్లాడిపోతున్నారు. ముఖ్యంగా వలసకూలీలు, పేద ప్రజలు ఆహరం కోసం ఇబ్బందులు పడుతున్నాయి. స్వచ్చంద సంస్థలు, ప్రభుత్వాలు వీలైనంత వరకు సహాయ సహకారాలు అందిస్తోంది. ఈ వైరస్ ని నివారించడానికి మన ప్రభుత్వాలు ఎన్నో కఠినమైన చర్యలు తీసుకుంటున్నప్పటికీ కూడా ఈ వైరస్ వ్యాప్తి ఆగడం లేదని చెప్పాలి. కాగా తాజాగా తెలంగాణ రాష్ట్రంలోని జగిత్యాల జిల్లాలో ఒక 5 ఏళ్ళ బాలుడికి కరోనా పాజిటివ్ అని తేలింది… విషయం తెలుసుకున్న తెలంగాణ రాష్ట్ర వైద్యాధికారులు కరోనా వైరస్ సోకిన ఆ బాలుడిని హైదరాబాద్ లోని గాంధీ ఆసుపత్రికి తరలించి, ప్రత్యేకమైన ఐసోలేషన్ వార్డుల్లో చికిత్స అందిస్తున్నామని ఆర్డీవో నరేందర్, జిల్లా ఉప వైద్యాధికారి జైపాల్ రెడ్డి తెలిపారు.వివరాల్లోకి వెళ్తే… ఆంధ్రప్రదేశ్ లోని గుంటూరు జిల్లాలో బధిరులకు శస్త్రచికిత్స చేస్తున్నారన్న విషయాన్నీ తెలుసుకున్న బాలుడి కుటుంబ సభ్యులు, ఆ బాలుడిని గుంటూరు కి తీసుకెళ్లి అక్కడ ఆపరేషన్ చేయించి గత రెండు క్రితమే జగిత్యాలలో తమ స్వగ్రామానికి తీసుకొచ్చారు. అయితే ఆంధ్రప్రదేశ్ లో అత్యధిక కేసులు నమోదవుతున్న గుంటూరు జిల్లా నుండి బాలుడు వచ్చాడని తెలుసుకున్న తెలంగాణ రాష్ట్ర వైద్యాధికారులు, ఆ బాలుడికి సంబందించిన రక్త నమూనాలను తీసుకొని వైద్య పరీక్షలు నిర్వహించగా, ఆ బాలుడికి కరోనా వైరస్ సోకిందని నిర్ధారణ అయింది. దీంతో ఆ బాలుడిని చికిత్స కోసం హైదరాబాద్ కి తరలించగా, బాలుడి కుటంబ సభ్యులను క్వారెంటైన్ కి తరలించారు.
|
|