సీఎం జగన్ మరో కీలక నిర్ణయం...
Andhra Pradesh Telugu | Suryaa Desk | Published : Tue, Apr 14, 2020, 04:10 PM
ఏపీ సీఎం జగన్ మరో సంచలన నిర్ణయం తీసుకున్నారు. విద్యాశాఖ పై ఆయన మంగళవారం అధికారులతో సమీక్షించారు. ఇక పై ఫీజు రీయింబర్స్ మెంట్ డబ్బును విద్యార్దుల తల్లుల అకౌంట్లకు చెల్లించాలని సీఎం జగన్ నిర్ణయించారు. ప్రతి మూడు నెలలకొకసారి ఫీజు రీయింబర్స్ మెంట్ నగదును విద్యార్దులు తల్లి అకౌంట్లకు చెల్లించాలన్నారు. వచ్చే విద్యా సంవత్సరం నుంచి ఈ విధానాన్ని అమలు చేయాలన్నారు. 2018-2019 సంవత్సరానికి సంబంధించిన రూ.1800 కోట్ల ఫీజు రీయింబర్స్ మెంటు బకాయిలన్ని చెల్లించామని సీఎం జగన్ అన్నారు. ఈ సంవత్సరానికి సంబంధించి మూడు త్రైమాసికాల ఫీజును కూడా చెల్లించామన్నారు. ఇప్పటి వరకు కాలేజీలకు నేరుగా సర్కార్ ఫీజు రీయింబర్స్ మెంట్ చెల్లించేది. ఇక నుంచి దానిని విద్యార్ది తల్లి అకౌంట్ కు చెల్లించనున్నారు. ఆ ఖాతాలో నుంచి డ్రా చేసుకొని విద్యార్దులు కాలేజికి ఫీజు చెల్లించాలి. సీఎం జగన్ తీసుకున్న ఈ నిర్ణయం హాట్ టాపిక్ గా మారింది.
|
|