ఎస్బీఐ ఖాతాదారులకు హెచ్చరిక
Andhra Pradesh Telugu | Suryaa Desk | Published : Mon, Apr 13, 2020, 03:19 PM
కరోనా వైరస్ ప్రభావంతో బ్యాంకు ఖాతాదారులు ఎక్కువగా ఆన్ లైన్,డిజిటల్ లావాదేవీలు చేస్తున్నారు. దీనిని ఆసరాగా చేసుకొని కొందరు సైబర్ కేటుగాళ్లు ఎస్బీఐతో పాటు ఇతర బ్యాంకుల పేరు మీద ఫేక్ వెబ్ సైట్లు క్రియేట్ చేస్తున్నారు. అందులోకి లాగిన్ అయితే ఖాతాదారుల నగదును కాజేస్తున్నారు. తాజాగా ఇటువంటి వాటి పై ఎస్బీఐ తన ఖాతాదారులను హెచ్చరించింది. www.onlinesbi.digital అనే వెబ్ సైట్ ఎస్బీఐది కాదని చెప్పింది. ఈ వెబ్ సైట్ లోకి ఖాతాదారులు లాగిన్ కావద్దని ఎస్బీఐ సూచించింది. ఇలాంటి ఫేక్ వెబ్ సైట్లు కనిపిస్తే తమ దృష్టికి తేవాలంది. అదే విధంగా ఇతర బ్యాంకుల వెబ్ సైట్లను కూడా నేరగాళ్లు ఫేక్ గా క్రియేట్ చేసి ఖాతాదారుల నగదు కాజేస్తున్నారు. వీటి పై అలర్ట్ గా ఉండాలని పోలీసులు ఖాతాదారులను హెచ్చరిస్తున్నారు. వాస్తవ వెబ్ సైట్లను తెలుసుకొని లావాదేవీలు జరపాలని బ్యాంకు అధికారులు సూచిస్తున్నారు. తెలియకుంటే ఆయా బ్యాంకుల టోల్ ఫ్రీ నంబర్లను సంప్రదించాలన్నారు.
|
|