ఎట్టకేలకు ‘స్పైడర్’ టీజర్ రిలీజ్పై క్లారిటీ ఇచ్చారు ప్రిన్స్ మహేష్ బాబు. గత కొన్నిరోజులుగా మహేష్ అభిమానులు కళ్లలో ఒత్తులేసుకుని మరీ ఈ టీజర్ కోసం ఎదురుచూస్తున్నారు. అయితే ఏడాది ఆరంభం నుండి అదిగో ఇదిగో అంటూ వాయిదా వేస్తూ.. కేవలం ఫస్ట్ లుక్ తోటే సరిపెట్టేశారు. కాగా మే 31న సూపర్ స్టార్ కృష్ణ పుట్టినరోజు సందర్భంగా ‘స్పైడర్’ టీజర్ రిలీజ్ అవుతుందని వార్తలు వచ్చాయి. గత కొన్ని సంవత్సరాలుగా సెట్స్పై ఉన్న మహేష్ మూవీ టీజర్ కృష్ణ పుట్టినరోజు సందర్భంగా విడుదల చేయడం ఆనవాయితీగా వస్తుండటంతో మే 31న ‘స్పైడర్’ టీజర్ పక్కా అని ప్రిన్స్ అభిమానులు ఫిక్స్ అయిపోయారు.
అయితే ‘స్పైడర్’ కథలో మార్పులు చేర్పుల నేపథ్యంలో షూటింగ్కు లేటు కావటంతో హడావిడిగా టీజర్ కట్ చేయండం ఇష్టం లేని మురుగదాస్ టీజర్ను వాయిదా వేసి.. మరో మోషన్ పోస్టర్ను రిలీజ్ చేయాలని డిసైడ్ అయినట్టు వార్తలు వచ్చాయి. అయితే దీనిపై ప్రిన్స్ అభిమానులు తీవ్రస్థాయిలో మురుగదాస్పై విరుచుకుపడటంతో పాటు.. కృష్ణ పుట్టినరోజు కానుకగా స్పైడర్ టీజర్ను విడుదల చేయాలని.. ఎప్పటినుండో వస్తున్న ఆనవాయితీకి బ్రేక్ వేయడం కరెక్ట్ కాదంటూ సోషల్ మీడియాలో ఫైర్ అయ్యారు.
దీంతో మహేష్ రంగంలోకి దిగి అభిమానుల్లో ఉత్సాహాన్ని నింపే వార్తను చెప్పాడు. ఎట్టిపరిస్థితుల్లోనూ మే31 సాయంత్రం 5గంటలకు కృష్ణ పుట్టినరోజు కానుకగా ‘స్పైడర్’ టీజర్ ఉంటుందని.. దసరాకు సినిమాను రిలీజ్ చేస్తున్నామంటూ ట్వీట్ చేయండంతో మహేష్ అభిమానులు ఫుల్ ఖుషీలో ఉన్నారు. 50 సెకన్ల నిడివితో ఉండే ఈ టీజర్ ఎలా ఉండబోతోందో అని ఫ్యాన్స్ ఆసక్తితో ఎదురుచూస్తున్నారు. తెలుగుతో పాటు తమిళంలోనూ ఒకేసారి ‘స్పైడర్’ టీజర్ రిలీజ్ చేస్తుండటంతో.. యూట్యూబ్లో దుమ్ములేపడం ఖాయం అని ప్రిన్స్ ఫ్యాన్స్ ఫిక్స్ అయిపోయారు.