రాజధాని పై ఉపరాష్ట్రపతి కీలక వ్యాఖ్యలు
Andhra Pradesh Telugu | Suryaa Desk | Published : Wed, Dec 25, 2019, 11:26 AM
స్వర్ణ భారతి ట్రస్ట్ లో ఉపరాష్ట్రపతి వెంకయ్య నాయుడు మీడియాతో చిట్ చాట్ చేశారు. ఆయన ఏమన్నారంటే… “మాతృభాషకు ప్రాధాన్యత విషయంలో నాది మొదటి నుంచి ఒకటే అభిప్రాయం. ప్రభుత్వ పాఠశాలల్లో తెలుగులో ప్రాధమిక బోధన ఉండాలనేదే నా అభిప్రాయం. ప్రధాని సైతం మాతృ భాష కు ప్రాధాన్యం పై అనేక సార్లు చెప్పారు. అభివృద్ధి వికేంద్రీకరణ కు నేను మొదటి నుంచి కట్టుబడి ఉన్నాను. రాష్ట్రం ఏర్పడిన తరువాత కేంద్ర సంస్థ లను అన్ని ప్రాంతాల్లో ఏర్పాటు చేశాము. కేంద్ర మంత్రి గా నాడు ప్రత్యేకం గా చొరవ తీసుకుని జిల్లాకో కేంద్ర సంస్థ ఏర్పాటు అయ్యేలా చూశాను. అభివృద్ధి వికేంద్రీకరణ అంటే ఇలా జరగాలి.
పాలన ఒక్క చోట నుంచే ఉండాలనేది నా నిశ్చితాభిప్రాయం. ముఖ్యమంత్రి, పాలనా యంత్రాంగం హైకోర్టు, అసెంబ్లీ ఒక్క చోటనే ఉండాలి. అన్ని ఒక్క చోట ఉంటేనే పాలనలో సౌలభ్యం ఉంటుంది. అది ఎక్కడ అనేది రాష్ట్ర ప్రభుత్వాల నిర్ణయం. నా 42 ఏళ్ళ అనుభవం తో ఈ మాట చెపుతున్నా. వివాదం కోసమో, రాజకీయం కోణంలోనో నా అభిప్రాయం చూడవద్దు. కేంద్రం నన్ను అడిగితే నేను ఇదే అభిప్రాయం చెబుతాను.” అని వెంకయ్య నాయుడు అన్నారు.
|
|