ట్రెండింగ్
నందవరం మండలంలో బయట పడిన సొరంగం…
Andhra Pradesh Telugu | Suryaa Desk | Published : Tue, Dec 17, 2019, 02:09 PM
కర్నూలు జిల్లా ఎమ్మిగనూరు నియోజకవర్గ పరిధిలోని నందవరం మండలం ముగతి గ్రామం నందు గ్రామ నడిబొడ్డున ఉన్న గ్రామ చవిడి దగ్గర సుమారు 40 అడుగుల మేర స్వరంగం బయటపడింది. ఆ స్వరంగం దాదాపు మూడు తరాల క్రితందై ఉండొచ్చని గ్రామస్తులు తెలుపుతున్నారు. ఈ స్వరంగం లో ఏమి ఉందొ అని చూడటానికి చుట్టూ పక్కల గ్రామాల ప్రజలు తండోపతండాలుగా వస్తుండడంతో ఆ ప్రాంతం అంత పర్యాటక వాతావరణాన్నితలపిస్తోంది. ఈ స్వరంగం సమాచారం అందుకున్న పోలీసులు సిఐ మహేశ్వరరెడ్డి, ఎసై వేణుగోపాల్ రాజ్, రెవెన్యూ అధికారులు అక్కడకు చేరుకుని సొరంగాన్ని పరిశీలించారు. దీని పై పురావస్తు శాఖ అధికారులకు సమాచారం అందిస్తామన్నారు.
|
|