ట్రెండింగ్
Epaper    English    தமிழ்

బుల్లెట్’లా దూసుకొస్తున్న రైలుకు ఎదురెళ్లి

Andhra Pradesh Telugu |  Suryaa Desk  | Published : Sat, May 13, 2017, 02:43 PM

ఫ్లాట్‌ఫాం వద్దకు రైలు ఎప్పుడొస్తుందా అని ఎదురు చూస్తోంది ఓ యువతి. కొద్ది సేపటి తర్వాత ‘బుల్లెట్’లా దూసుకొస్తున్న రైలుకు ఎదురెళ్లి పట్టాలపైకి దూకబోయింది. స్పీడుగా వస్తున్న ట్రైయిన్ కు ఆమె అంతే స్పీడుగా ఎదురెళ్లబోయిందో... పట్టాలపైకి ఇంకో 2 సెకన్లలో పడబోతుందనగా.... అంతలోనే ఓ 54ఏళ్ల వ్యక్తి ఆ యువతిని లాగి పడేశాడు. అయినా ఆ యువతి.. తనను నిలువరించిన వ్యక్తిని నెట్టేసి మళ్లీ దూకపోయింది.. కానీ.. ఆమెను కాపాడిన వ్యక్తి.. తన తలకు దెబ్బ తగిలినా..అదేం పట్టించుకోకుండా... ఆ యువతిని మాత్రం వదల్లేదు. రైలు వెళ్లాక వదిలాడు.ఇది కథ కాదు.. అక్షరాల చైనాలోని ఫుజియాన్‌ ప్రావిన్స్ లోని పుతియాన్‌ స్టేషన్లో మూడు రోజుల క్రితం జరిగింది. ఓ యువతి పట్టాలపై నిల్చోని మూడిగా, మిగతా ప్రయాణికులకు భిన్నంగా ఉండటాన్ని స్టేషన్ వర్కర్ పనిచేస్తున్న 54ఏళ్ల వెంగ్ జియాన్ జంగ్ గమనించాడు. అలా గమనిస్తుండగానే.. ఆమె పట్టాలపై పడి ఆత్మహత్యకు ప్రయత్నించింది. కానీ జంగ్ మాత్రం ఆమె ప్రయత్నాన్ని బెడిసికొట్టేలా చేశాడు. రక్షించి హీరో అయ్యాడు.ఆమె పేరు, ఎందుకు ఆత్మహత్యకు ప్రయత్నించిందో పోలీసులు విచారిస్తున్నారు.అంతేకాదు...ఎంతో సమయ స్పూర్తితో వ్యవహారించి యువతి ప్రాణాలు కాపాడిన జంగ్ కు రైల్వే అధికారు నగదు పారితోషికం అందించారు. చైనా.. జంగ్ కు జేజేలు పలుకుతోంది.యువతి రైలుకు ఎదురెళ్లడం,.. జంగ్ కాపాడటం సీసీటీవీలో కనిపిస్తున్నాయి. ఈ దృశ్యాలు వైరల్ గా మారాయి.









SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com