ETF మార్కెట్లో భారీ జంప్.. రూ. 1.8 లక్షల కోట్ల పెట్టుబడులు
Andhra Pradesh Telugu | Suryaa Desk | Published : Sat, May 02, 2026, 09:47 PM
దేశీయ పెట్టుబడి రంగంలో కీలక మార్పులు చోటుచేసుకుంటున్నాయి. భౌగోళిక రాజకీయ ఉద్రిక్తతల నేపథ్యంలో ఈటీఎఫ్ల (ETF) పట్ల పెట్టుబడిదారుల ఆసక్తి గణనీయంగా పెరుగుతోంది.తాజాగా Zerodha Fund House నిర్వహించిన అధ్యయనం ప్రకారం, 2025–26 ఆర్థిక సంవత్సరంలో ఈటీఎఫ్లు రికార్డు స్థాయిలో రూ. 1.8 లక్షల కోట్లకు పైగా పెట్టుబడులను ఆకర్షించాయి. ఇది గత ఏ సంవత్సరంతో పోల్చినా రెట్టింపు కంటే ఎక్కువ కావడం విశేషం. ఇప్పటివరకు ఈటీఎఫ్లు ప్రధానంగా ఈక్విటీ మార్కెట్కే పరిమితమై ఉండగా, ఇప్పుడు పరిస్థితి మారుతోంది.ప్రస్తుతం పెట్టుబడిదారుల దృష్టి క్రమంగా మారుతూ గోల్డ్, సిల్వర్ ఈటీఎఫ్ల వైపు ఎక్కువగా మళ్లుతోంది. మొత్తం పెట్టుబడుల్లో 55 శాతం వాటా ఈ కమోడిటీ ఈటీఎఫ్లకే వెళ్లడం గమనార్హం. దీంతో ఈక్విటీ ఈటీఎఫ్ల కంటే కమోడిటీ ఆధారిత ఈటీఎఫ్లే ఎక్కువ నిధులను ఆకర్షిస్తున్నాయి.అంతర్జాతీయ మార్కెట్లో అనిశ్చిత పరిస్థితులు, ఆర్థిక అస్థిరత కారణంగా పెట్టుబడిదారులు భద్రతా సాధనాలుగా బంగారం, వెండి వైపు మొగ్గు చూపుతున్నారని విశ్లేషకులు భావిస్తున్నారు.సమీక్షించిన కాలంలో గోల్డ్ ఈటీఎఫ్లలో రూ. 68,868 కోట్లు (38%), సిల్వర్ ఈటీఎఫ్లలో రూ. 30,412 కోట్లు (16.8%), ఈక్విటీ ఈటీఎఫ్లలో రూ. 77,780 కోట్లు (42.9%), డెట్ ఈటీఎఫ్లలో రూ. 4,066 కోట్లు (2.2%) పెట్టుబడులు వచ్చాయి.మొత్తం కలిపి గోల్డ్, సిల్వర్ ఈటీఎఫ్లలోనే రూ. 99,280 కోట్లు (55%) పెట్టుబడులు వచ్చినట్లు నివేదిక స్పష్టం చేసింది.
|
|