Vinfast VF MPV 7 ఎంట్రీ.. ఫ్యామిలీ కార్ సెగ్మెంట్‌లో కొత్త రూల్?

VinFast 2026లో కొత్త మోడళ్లను విడుదల చేయాలన్న ప్రణాళికలో భాగంగా భారత మార్కెట్లోకి మరో కొత్త ఎలక్ట్రిక్ కారును ప్రవేశపెట్టింది. ఇందులో భాగంగా ఏప్రిల్ 15న VinFast India సంస్థ తన కొత్త వాహనాన్ని అధికారికంగా లాంచ్ చేసింది.ఈ కంపెనీ నుంచి విడుదలైన కొత్త మోడల్ పేరు VinFast VF MPV 7. ఇది పూర్తిగా ఎలక్ట్రిక్ వేరియంట్‌గా మార్కెట్లోకి వచ్చింది. ప్రస్తుతం ఎలక్ట్రిక్ వాహనాలకు పెరుగుతున్న డిమాండ్ నేపథ్యంలో, ముఖ్యంగా MPV సెగ్మెంట్‌లో ఈ కొత్త కారు వినియోగదారుల్లో ఆసక్తిని రేకెత్తిస్తోంది. బుకింగ్స్ ఇప్పటికే ప్రారంభమయ్యాయి, త్వరలో డెలివరీలు కూడా ప్రారంభమయ్యే అవకాశం ఉంది. ఈ మోడల్, మార్కెట్లో Mahindra XEV 9e వంటి వాహనాలకు పోటీగా నిలవనుంది.డిజైన్ పరంగా చూస్తే VinFast VF MPV 7 ఆధునికమైన బాక్స్-స్టైల్ లుక్‌తో ఆకట్టుకుంటుంది. ముందుభాగంలో స్లీక్ LED హెడ్‌ల్యాంప్స్, అలాగే వెడల్పుగా ఉండే LED లైట్ బార్ దీనికి ప్రత్యేక ఆకర్షణగా నిలుస్తాయి. 19 అంగుళాల అల్లాయ్ వీల్స్‌తో పాటు, 18 అంగుళాల వేరియంట్‌లో అదనపు క్రోమ్ ఫినిష్ కూడా అందుబాటులో ఉంటుంది.ఫీచర్ల విషయానికి వస్తే, ఇందులో 10.1 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ ఇన్‌స్ట్రుమెంట్ క్లస్టర్, హెడ్-అప్ డిస్ప్లే (HUD), కనెక్టెడ్ కార్ టెక్నాలజీ, Apple CarPlay, Android Auto వంటి ఆధునిక సదుపాయాలు ఉన్నాయి. అదనంగా ఆటోమేటిక్ క్లైమేట్ కంట్రోల్, రివర్స్ కెమెరా, వైర్లెస్ ఫోన్ ఛార్జింగ్ వంటి ఫీచర్లు కూడా అందించబడ్డాయి.సేఫ్టీ పరంగా డ్యూయల్ ఎయిర్‌బ్యాగ్స్, ABS తో EBD, ఎలక్ట్రానిక్ స్టెబిలిటీ కంట్రోల్, ఎలక్ట్రానిక్ పార్కింగ్ బ్రేక్ వంటి ఫీచర్లను కంపెనీ అందిస్తోంది.పవర్‌ట్రెయిన్ విషయానికి వస్తే, ఇందులో 60.13 kWh బ్యాటరీ ప్యాక్ ఉంటుంది. ఇది సుమారు 201 హార్స్‌పవర్ శక్తి, 400 Nm టార్క్‌ను అందిస్తుంది. ARAI అంచనాల ప్రకారం, ఒకసారి పూర్తిగా ఛార్జ్ చేస్తే సుమారు 517 కిలోమీటర్ల రేంజ్ ఇవ్వగలదని చెబుతున్నారు. DC ఫాస్ట్ ఛార్జింగ్ సపోర్ట్‌తో 30 నిమిషాల్లో 10% నుంచి 70% వరకు ఛార్జ్ చేసుకోవచ్చు.అదనంగా, కంపెనీ 3 సంవత్సరాల ఉచిత మెయింటెనెన్స్, 7 సంవత్సరాల వాహన వారంటీ, 10 సంవత్సరాల బ్యాటరీ వారంటీ, అలాగే 7 సంవత్సరాల ఉచిత రోడ్‌సైడ్ అసిస్టెన్స్ అందిస్తోంది.ఈ వాహనం ప్రారంభ ధర సుమారు రూ.24.49 లక్షలుగా నిర్ణయించినట్లు సమాచారం.