సుప్రీంకోర్టు: ఆ విషయంలో రైతులను నిందించకూడదు

దిల్లీ (Delhi) మరియు చుట్టుప్రక్కల ప్రాంతాల్లో వాయు కాలుష్యం (Air Pollution) తీవ్రమైన స్థాయిలో ఉంది. ఈ నేపథ్యంలో ఈ రోజు సుప్రీంకోర్టు (Supreme Court) లో వాయు కాలుష్యంపై విచారణ జరిగింది.సర్వోన్నత న్యాయస్థానం విచారణలో కీలక వ్యాఖ్యలు చేసింది. దేశరాజధానిలో పెరుగుతున్న వాయు కాలుష్యానికి రైతులను నిందించడం సరిగా లేదని పేర్కొంది. పంట వ్యర్థాల దహనాన్ని (Stubble Burning) రాజకీయంగా చేయవద్దని, దానిని అహంకారంతో సంబంధపెట్టకూడదని సూచించింది.అంతేకాకుండా, పంట వ్యర్థాలను దహనం చేయకుండా తొలగించడానికి రైతుల వద్ద సరిపడా యంత్రాలు ఉండకపోతే, వారికి పూర్తి విధంగా నింద వేయకూడదని సుప్రీంకోర్టు స్పష్టం చేసింది. ఢిల్లీ వాయు కాలుష్య సమస్యను ఒకవిధమైన సమయపరిమిత అంశంగా మాత్రమే పరిగణించడం సరైన మార్గం కాదని తెలిపింది. కాలుష్యాన్ని తగ్గించడానికి శాస్త్రీయ పరిష్కారాలను వెతకాలని కమిషన్ ఫర్ ఎయిర్ క్వాలిటీ మేనేజ్‌మెంట్ (CAQM) మరియు కేంద్ర ప్రభుత్వానికి సూచించింది.ఇప్పటివరకు ఎయిర్ క్వాలిటీ మేనేజ్‌మెంట్ తీసుకున్న చర్యల ప్రభావాన్ని వారంలోపు నివేదిక రూపంలో సమర్పించాలని కూడా సుప్రీంకోర్టు ఆదేశించింది. కార్యాచరణ ప్రణాళికలు విఫలమైతే ప్రత్యామ్నాయ పద్ధతులపై కూడా ఆలోచించాల్సి ఉంటుందని తెలిపింది.సుప్రీంకోర్టు Farmers పై ప్రతిసారీ నింద వేయడం అలవాటు అవుతున్నదని అసహనం వ్యక్తం చేసింది. కాలుష్యానికి ప్రధాన కారణం ఏది అనేది స్పష్టంగా గుర్తించమని కేంద్ర ప్రభుత్వానికి సూచించింది.ఇక ఎయిర్ క్వాలిటీ మేనేజ్‌మెంట్ కమిషన్ అన్ని రాష్ట్ర ప్రభుత్వాలతో సంప్రదింపులు జరిపి, పంట వ్యర్థాల దహనం, వాహన ఉద్గారాలు, నిర్మాణ ధూళి, బయోమాస్ దహనం వంటి ప్రధాన కారణాలపై వ్యూహాత్మక కార్యాచరణ ప్రణాళికలు రూపొందించిందని, వాటిని అమలు చేయడానికి చర్యలు తీసుకుంటుందన్నారు. ఢిల్లీలో శీతాకాలంలో గాలి నాణ్యత తక్కువగానే ఉండటం, దీనికి పంజాబ్‌, హర్యానాలోని పంట వ్యర్థాల దహనం ప్రధాన కారణమని ఢిల్లీ ప్రభుత్వం ఆరోపిస్తోంది.