ట్రెండింగ్
భూమన కరుణాకర్‌రెడ్డికి మళ్లీ నోటీసులు జారీ చేసిన పోలీసులు
Andhra Pradesh Telugu | Suryaa Desk | Published : Thu, Sep 18, 2025, 08:56 PM
తితిదే మాజీ ఛైర్మన్‌, వైకాపా నేత భూమన కరుణాకర్‌రెడ్డికి మరోసారి పోలీసులు నోటీసులు జారీ చేశారు.శనీశ్వరుడి విగ్రహంపై వచ్చిన వివాదంతో సంబంధం ఉన్న ఈ నోటీసులో, ఆయనను శనివారంలోపు విచారణకు హాజరుకావాలని కోరారు.ఇప్పటికే తితిదేపై అసత్య ప్రచారం చేసిన ఆరోపణలతో భూమనపై అలిపిరి పోలీస్ స్టేషన్‌లో కేసు నమోదైంది.అలిపిరి వద్ద ఉన్న శనీశ్వరుడి విగ్రహానికి సంబంధించి భూమన చేసిన వ్యాఖ్యలు తప్పుదారి పట్టించేవిగా ఉన్నాయని, ఆ విగ్రహంపై అపచారం జరిగిందని అసత్యంగా పేర్కొన్నారని తితిదే అభిప్రాయపడింది.ఈ నేపథ్యంలో, డిప్యూటీ ఈవో గోవిందరాజు అలిపిరి పోలీసులకు ఫిర్యాదు చేశారు. భూమన చేసిన వ్యాఖ్యలు శ్రీవారి భక్తుల మనోభావాలను దెబ్బతీశాయని ఆయన పేర్కొన్నారు.దీనిపై కేసు నమోదు చేసిన పోలీసులు విచారణను ప్రారంభించారు.
|
|