ట్రెండింగ్
పశ్చిమ గోదావరి జిల్లా తుందుర్రు గ్రామంలో ఉద్రిక్త పరిస్థితులు: అక్వాఫుడ్ పార్క్‌ను వ్యతిరేకిస్తూ 30 గ్రామాల ప్రజలు ఆందోళన
Andhra Pradesh Telugu | Suryaa Desk | Published : Wed, Mar 08, 2017, 01:17 PM
పశ్చిమ గోదావరి: ఏపీలోని పశ్చిమ గోదావరి జిల్లా తుందుర్రు గ్రామంలో ఉద్రిక్త పరిస్థితులు నెలకొన్నాయి. అక్వాఫుడ్ పార్క్‌ను వ్యతిరేకిస్తూ 30 గ్రామాల ప్రజలు ఆందోళన బాటపట్టారు. అక్వాఫుడ్ పార్క్ నిర్మాణం జరిగితే ఫ్యాక్టరీ నుంచి విష రసాయనాలు వచ్చి పంట కాలువలు, పంట పొలాలు దెబ్బతినే అవకాశం ఉండటంతో గ్రామస్తులు వ్యతిరేకిస్తున్నారు. తుందుర్రు గ్రామం పోలీస్ పహారాలో ఉంది. 1100 మంది పోలీసులతో భారీ భద్రతను చేపట్టారు. 144 సెక్షన్‌ను అమలు చేస్తున్నారు. అక్వాఫుడ్ పార్క్ వ్యతిరేక ఉద్యమానికి ప్రజాసంఘాలు, వైసీపీ, సీపీఎం మద్దతు తెలిపాయి. భారీగా మోహరించిన పోలీసులు ఆందోళనకారులను చెదరగొడుతున్నారు. ఇప్పటికే 100 మందికి పైగా ఆందోళనకారులను అరెస్ట్ చేశారు.
|
|