ట్రెండింగ్
Epaper    English    தமிழ்

పీఎన్‌బీ అధికారికి బంగారు, వజ్ర ఆభరణాల రూపంలో లంచం!

Andhra Pradesh Telugu |  Suryaa Desk  | Published : Sun, Mar 04, 2018, 12:57 PM

ముంబైః పంజాబ్ నేషనల్ బ్యాంక్ స్కాంలో సీబీఐ సంచలన విషయాలను వెల్లడించింది. ఈ కుంభకోణంలో ఓ పీఎన్‌బీ అధికారికి నీరవ్ మోదీ బంగారు, వజ్ర ఆభరణాలను లంచంగా ఇచ్చినట్లు సీబీఐ చెప్పింది. 12 వేల కోట్లకుపైగా జరిగిన ఈ స్కాంలో నీరవ్ మోదీ ప్రధాన నిందితుడన్న విషయం తెలిసిందే. విదేశాల్లోని ఇండియన్ బ్యాంక్స్ నుంచి లోన్లు పొందేందుకు అవసరమైన అండర్‌టేకింగ్ లేఖలను ఇవ్వడానికి పీఎన్‌బీ అధికారులకు నీరవ్ లంచాలు ఇచ్చాడని తొలిసారి సీబీఐ చెప్పడం గమనార్హం. ఈ కేసులో ఇప్పటికే 14 మందిని అరెస్ట్ చేశారు. ఒక అధికారికి నగల రూపంలో భారీ లంచం ముట్టినట్లు సీబీఐ స్పష్టంచేసింది. ఆ అధికారి పేరు యశ్వంత్ జోషి. ఇతను ముంబై పీఎన్‌బీ బ్రాంచ్‌లో ఫారెక్స్ డిపార్ట్‌మెంట్ మేనేజర్‌గా పనిచేస్తున్నారు. అతనికి నీరవ్ మోదీ 60 గ్రాములున్న రెండు బంగారు కాయిన్స్, బంగారం, వజ్రాలు పొదిగిన చెవిపోగులు లంచంగా ఇచ్చినట్లు సీబీఐ వెల్లడించింది. ఈ ఆభరణాలను సీబీఐ అధికారులు జోషి ఇంట్లో నుంచి స్వాధీనం చేసుకున్నారు. బ్యాంక్ అధికారులతో కుమ్మక్కై నీరవ్ మోదీ ఈ స్కాంకు పాల్పడినట్లు చెప్పడానికి ఇదే నిదర్శనమని సీబీఐ అంటున్నది. నీరవ్‌కు అండర్‌టేకింగ్ లెటర్స్ ఇవ్వడానికి ఇలా జోషి లంచాలు తీసుకుంటూనే ఉన్నాడని చెప్పింది.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com